.: Nəşrlər, bülletenlər

.: Saytda axtar

.: E-mail




Sentyabrın 24-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.

09.09.2004


Əvvəlcə Mərkəzi Seçki Komissiyasının katibi Natiq Məmmədov 2004-ch il dekabrın 17-də Azərbaycan Respublikasında keçiriləcək bələdiyyə seçkiləri ilə əlaqədar səsvermə gününədək seçki komissiyalarının iclaslarını müşahidə etmək üçün Yeni Azərbaycan Partiyası tərəfindən müvafiq seçki dairələri üzrə irəli sürülmüş şəxslərin xüsusi icazə almış müşahidəçilər kimi qeydə alınması haqqında məlumat vermişdir. MSK həmin şəxslərin qeydə alınması barədə qərar qəbul etmişdir.
Sonra Mərkəzi Seçki Komissiyasının katibi Vidadi Mahmudov Azərbaycan Respublikasının Milli Məclisinə seçkilərdə seçicilərin səsverməyə dəvət olunması haqqında bildiriş nümunəsinin layihəsi barədə məlumat vermişdir. Komissiya bu sənədin təsdiqi haqqında qərar çıxarmışdır.
MSK bələdiyyələrə seçkilərdə bəzi seçki sənədlərinin nümunələrini də təsdiq etmişdir.
Mərkəzi Seçki Komissiyası bəzi seçki dairələri dairə seçki komissiyalarının tərkibində dəyişikliklər edilməsi haqqında qərar qəbul etmişdir.
Dairə və məntəqə seçki komissiyaları üzvlərinin 2004-cü il dekabrın 17-də keçiriləcək bələdiyyə seçkiləri dövründə maliyyə təminatları haqqında məsələ də MSK-nın iclasına çıxarılmış və müvafiq qərar qəbul olunmuşdur.
Komissiya cari məsələlərə də baxmışdır.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun, Fransa səfirliyinin təmsilçiləri, kütləvi informasiya vasitələrinin nümayəndələri də iştirak etmişlər.